- माजी आमदार नितीन शिंदे
- ४ नोव्हेंबरला सातारा जिल्हाधिकारी कार्यालयासमोर निदर्शने करणार
सांगली । प्रतिनिधी
प्रतापगडाच्या पायथ्याशी अफजलखान वधाचे तयार असलेले शिल्प ताबडतोब बसवावे अन्यथा 4 नोव्हेंबर रोजी सातारा जिल्हाधिकारी कार्यालयासमोर तमाम शिवभक्तांसमवेत निदर्शने करु असा निर्णय हिंदू एकता आंदोलन संघटनेच्या पदाधिकार्यांच्या बैठकित घेण्यात आला असल्याची माहिती माजी आमदार तथा संघटनेचे प्रदेशाध्यक्ष नितीन शिंदे यांनी दिली.
शिंदे म्हणाले, प्रतागडावरील अतिक्रमण हटविण्यासाठी 23 वर्षापासून लढा सुरु आहे. सरकारने अतिक्रमण हटवले. गडावर अफजल खान वधाचे शिल्प बसवावे अशी मागणी आहे. यासाठी सातत्याने पाठपुरावा सुरु आहे. शिल्प तयार आहे. मुख्यमंत्री, उपमुख्यमंत्री, वनमंत्री यांच्याकडे वारंवार पाठपुरावा करुनही शिल्प बसविण्यास टाळाटाळ केली जात आहे. शिवभक्तांच्या भावनांशी खेळण्याचा प्रकार सुरु आहे. या निषेर्धात येत्या 4 नोव्हेंबर रोजी सातारा जिल्हाधिकारी कार्यालयासमोर हिंदू एकता आंदोलन व शिवभक्तांना सोबत घेत निदर्शने करण्यात येणार आहेत.
यावेळी शहर जिल्हाध्यक्ष संजय जाधव म्हणाले की, सांगली, सातारा, कोल्हापूर जिल्ह्यातील सर्व हिंदू एकताच्या पदाधिकार्यांनी, कार्यकर्ते व शिवभक्तांनी मोठ्या संख्येने सातारा येथे होणार्या आंदोलनात सहभागी व्हावे. यावेळी मनोज साळुंखे, प्रसाद रिसवडे यांनी मनोगत व्यक्त केले. मिरज शहर अध्यक्ष सोमनाथ गोटखिंडे, शहर उपाध्यक्ष अवधूत जाधव, अनिरुद्ध कुंभार, अरविंद येतनाळे, अरुण वाघमोडे, प्रेम देसाई, सुजित पाटील, अनिकेत आंबरुळे आदी पदाधिकारी उपस्थित होते.