◼️तासगाव शहर मंडलाध्यक्षपदी सौ.स्वाती सूर्यवंशी
◼️विसापूर मंडल अध्यक्षपदी उदय राजोपाध्ये
तासगाव / प्रतिनिधी
तासगाव तालुक्यातील भारतीय जनता पक्षाच्या आज अध्यक्षपदाच्या निवडी पार पडल्या. भाजपाचे पक्ष निरीक्षक भाजपा जिल्हा उपाध्यक्ष सुहास पाटील यांच्या प्रमुख उपस्थितीत निवडी पार पडल्या. तासगाव तालुका भाजपा अध्यक्षपदी एड. स्वप्नील भैया पाटील व तासगाव शहर मंडल अध्यक्षपदी सौ. स्वाती गोविंद सूर्यवंशी यांची बिनविरोध निवड करण्यात आली. तर विसापूर येथे झालेल्या बैठकीत पक्ष निरीक्षक पंचायतराज जिल्हाध्यक्ष महेश पाटील यांच्या प्रमुख उपस्थितीत विसापूर मंडळ अध्यक्षपदी उदय राजोपाध्ये यांची निवड करण्यात आली. यावेळी मान्यवरांकडून निवडीबद्दल सत्कार करण्यात आला.भाजप मधील सर्व नव्या- जुन्या कार्यकर्त्यांना सोबत घेऊन तासगाव तालुक्यात भारतीय जनता पार्टी पक्ष बळकट करण्याचे यावेळी त्यांनी आवाहन केले.
भारतीय जनता पार्टी प्रदेश अध्यक्ष ना.चंद्रशेखर बावनकुळे सूचनेनुसार तासगाव तालुक्यातील मंडल अध्यक्षांच्या निवडी पार पडल्या. तासगाव तालुक्यात तासगाव ग्रामीण, तासगाव शहर व विसापूर मंडळातील २१ गावांचा एक मंडल असे तीन भाग पडतात. गेल्या दोन महिन्यापासून भारतीय जनता पार्टी पक्ष सदस्य व सक्रिय सभासद नोंदणीचा कार्यक्रम चालू होता. सांगली जिल्ह्यामध्ये तासगाव व कवठेमहांकाळ विधानसभा क्षेत्रात सर्वात जास्त सदस्य नोंदणी झाली होती. याबद्दल सांगलीचे पालकमंत्री ना.चंद्रकांत दादा पाटील यांनी सर्व कार्यकर्त्यांचे वस्तू भेट देऊन कौतुक केले होते.
यावेळी किसान मोर्चा महामंत्री संदीप गिद्दें पाटील, भाजपा सरचिटणीस मिलिंद बापू कोरे, विक्रांत पाटील, विनायक खरमाटे, पंढरीनाथ पाटील शिरगाव, रवी पाटील, लिंब, अमोल चव्हाण बोरगाव, हणमंत भोईटे, हातनुर, बजरंग गायकवाड, गोटेवाडी, नवनाथ जाधव हतानोली, अंकुश सुर्वे व संजय माने सचिन पाटील, विसापूर आदी कार्यकर्ते उपस्थित होते.