काँग्रेस - राष्ट्रवादीतील अनेक कार्यकर्ते जनसुराज्य पक्षात; समित कदम यांचे वाढले बळ
मिरज / प्रतिनिधी
सर्वसामान्यांच्या प्रश्नांवर आवाज उठविणाऱ्या जनसुराज्य पक्षाचे बळ वाढू लागले आहे. पक्षाच्या युवा आघाडीचे प्रदेशाध्यक्ष समित कदम यांच्या नेतृत्वावर विश्वास ठेवत मिरज पूर्व भागातील काँग्रेस - राष्ट्रवादीच्या कार्यकर्त्यांनी ' चांगभलं ' चा नारा देत जनसुराज्य पक्षात प्रवेश केला आहे. पूर्व भागातील सोनी, करोली (एम), काकडवाडी, चाबुकस्वारवाडी येथील शेकडो कार्यकर्त्यांचा यामध्ये समावेश आहे.
दरम्यान मिरज पूर्व भागातील विकासाचा अनुशेष भरून काढू. मुख्यमंत्री देवेंद्र फडणवीस यांच्याकडे यासाठी पाठपुरावा करू. कार्यकर्त्यांना बळ देऊ अशी ग्वाही समित कदम यांनी यावेळी बोलताना दिली. मिरज तालुक्यातील सोनी, करोली एम सह पूर्व भागातील काँग्रेस, राष्ट्रवादी शरदचंद्र पक्षातील कार्यकर्त्यांनी कदम यांच्या उपस्थितीत जन सुराज्य पक्षात प्रवेश केला. आगामी जिल्हा परिषद, पंचायत समिती, ग्रामपंचायत या निवडणुका समोर ठेऊन जनसुराज्य शक्ती पक्षाने ग्रामीण भागामध्ये जोरदार पक्ष बांधणी सुरू केली आहे. मुख्यमंत्री देवेंद्र फडणवीस यांचे निकटवर्तीय तसेच जनसुराज्य शक्ती पक्षाचे प्रदेशाध्यक्ष समित दादा कदम यांच्या विकासत्मक कामावर प्रभावित होऊन काँग्रेस तसेच राष्ट्रवादी शरद पवार गट तसेच इतर पक्षांतील अनेक पदाधिकारी कार्यकर्ते जनसुराज्य शक्ती पक्षाच्या संपर्कात आहेत.
त्यापैकी काहींचा प्रवेश झाला. या पक्ष प्रवेशाने मिरज पूर्व भागातील काँग्रेस राष्ट्रवादी पक्षाला मोठे खिंडार पडले आहे. सोनी ग्रामपंचायत सदस्य अरविंद पाटील, द्राक्ष बागायतदार संघ संचालक जयसिंग तात्या चव्हाण, करोली एम सामाजिक कार्यकर्ते माणिक तोडकर, काकडवाडीचे संजय पाटील, चाबुकस्वरवाडीचे विश्वजीत काळे, आरिफ मलिदवाले मिरज तालुका अल्पसंख्यांक अध्यक्ष राष्ट्रवादी शरद पवार गटाचे शब्बीर मुल्ला यांच्यासह पदाधिकारी कार्यकर्त्यांचा यामध्ये समावेश आहे.
दरम्यान समित दादा कदम यांना आमदार केल्याशिवाय गप्प बसणार नाही असा विश्वास यावेळी प्रवेश केलेल्या कार्यकर्त्यांनी व्यक्त केला. यावेळी माजी नगराध्यक्षडॉ. महादेव अण्णा कुरणे, जनसुराज्यशक्ती पक्ष जिल्हाप्रमुख आनंदसागर पुजारी, शहर जिल्हाध्यक्ष डॉ पंकज म्हेत्रे ,जिल्हा उपप्रमुख चेतन कलकुटगी योगेश दरवंदर ,शहर अध्यक्ष विनायक रुईकर, जितेंद्र धोंड, विनायक शरबंदे हे उपस्थित होते.