 |
| शामरावनगर येथे नागरी सत्कार प्रसंगी बोलताना आमदार सुधीर गाडगीळ. |
आमदार सुधीर गाडगीळ ; शामरावनगरचा कायापालट करू
सांगली / प्रतिनिधी
विधानसभा निवडणुकीत लाडक्या बहीण आणि भावांनी मोठ्या प्रमाणात मतदान करून आशिर्वाद दिला. विश्वास दाखविला. या विश्वासाला कुठेही तडा जाऊ देणार नाही. रुक्मिणीनगर, शामरावनगरचा विकास करून हा विश्वास सार्थ ठरवू अशी ग्वाही आमदार सुधीर गाडगीळ यांनी दिली.
येथील प्रभाग क्रमांक १८ मधील रुक्मिणीनगरमध्ये श्री गणेश जयंती निमित्त श्री समर्थ कला क्रीडा व सांस्कृतिक मंडळ व नवरात्रोत्सव मंडळ यांच्यावतीने सांगली विधानसभा मतदारसंघातून तिसऱ्यांदा आमदार पदी निवडून आल्याबद्दल आमदार गाडगीळ यांचा नागरी सत्कार करण्यात आला. यावेळी माजी खासदार संजयकाका पाटील माजी आमदार दिनकर पाटील, माजी आमदार नितीन शिंदे, स्वाती शिंदे, संदीप दळवी, राहुल नलवडे आदी उपस्थित होते.
या कार्यक्रमाचे आयोजन प्रमोद उर्फ राजू नलवडे व त्यांच्या सहकाऱ्यांच्या वतीने करण्यात आले. या कार्यक्रमात मुख्य आकर्षक म्हणून हरियाणातील सुप्रसिद्ध अघोरी नृत्य आयोजित करण्यात आले होते. हे नृत्य पाहण्यासाठी नागरिकांनी प्रचंड गर्दी केली होती. यावेळी मंडळाच्या वतीने गणेश जयंती निमित्त महाआरती करून महाप्रसादाचे आयोजन करण्यात आले होते. अंदाजे ४ हजार हून अधिक भाविकांनी या महाप्रसादाचा लाभ घेतला. सामाजिक कार्यकर्ते राजू नलावडे व त्यांच्या सहकाऱ्यांनी या कार्यक्रमाचे आयोजन केले होते. या कार्यक्रमाला नागरिकांनी उत्स्फूर्त प्रतिसाद दिला आहे.