'कर्मवीर' इतर संस्थांना मार्गदर्शक पतसंस्था

सहकार भारतीचे राष्ट्रीय अध्यक्ष डॉ. उदयराव जोशी यांचा सत्कार करताना कर्मवीर पतसंस्थेचे अध्यक्ष रावसाहेब पाटील.

सहकार भारतीचे राष्ट्रीय अध्यक्ष डॉ. उदयराव जोशी; सहकार संवर्धनाचे काम करावे

सांगली  / प्रतिनिधी

'कर्मवीर' पथसंस्था जिल्ह्यातील इतर पतसंस्थाना मार्गदर्शक आहे. पतसंस्थेने सहकार संवर्धनाचे काम करावे. पतसंस्थांसाठी प्रशिक्षण शिबिरासाठी पुढाकार घेतला हे कौतुकास्पद आहेस असे प्रतिपादन सहकार भारतीचे राष्ट्रीय अध्यक्ष डॉ. उदयराव जोशी यांनी केले. 

सहकार भारती व सांगली जिल्हा पतसंस्था फेडरेशन व सांगली जिल्हा नागरी बँक असोशिएशन यांच्यावतीने आणि कर्मवीर भाऊराव पाटील नागरी सहकारी पतसंस्थेच्या संयुक्त विद्याने येथील दैवज्ञ भवन सांगली येथे पत संस्थांसाठी प्रशिक्षण शिबिराचे आयोजन करण्यात आले होते. याप्रसंगी ते प्रमुख मार्गदर्शक म्हणून बोलत होते. डॉ. उदयराव जोशी यांची नुकतीच सहकार भारतीच्या राष्ट्रीय अध्यक्षपदी निवड झाल्याबद्दल त्यांचा सर्व संस्थांच्यावतीने सत्कार करण्यात आला. कर्मवीर पतसंस्थेचे चेअरमन श्री. रावसाहेब जिनगोंडा पाटील यांच्या हस्ते त्यांचा सत्कार करण्यात आला. तसेच बुलढाणा अर्बन सोसायटीचे सीईओ श्री. शिरीप देशपांडे यांची सहकार भारती राष्ट्रीय पतसंस्था प्रकोष्ठ पदी निवड झाल्याबद्दल त्यांचा देखील सत्कार यावेळी करण्यात आला होता.

श्री. रावसाहेब जिनगोंडा पाटील यांची जैन आर्थिक विकास मंडळाच्या सदस्यपदी निवड झाल्याबद्दल सहकार भारती व पतसंस्था फेडरेशन व नागरी बँक असोशिएशनच्यावतीने डॉ. उदय जोशी यांच्या हस्ते त्यांचा सत्कार संपन्न झाला. कर्मवीर पतसंस्थेने देखील वरील मान्यवरांचा सत्कार केला. केंद्र सरकारमध्ये सहकार मंत्रालय सुरु झाल्यामुळे सहकारासमोरील डचणी समजुन घेण्यात येत आहेत. आर्थिक संस्थाना विनाकारण त्रास होणार नाही, सक्तीचे मर्जिंग होणार नाही आणि नविन संस्थांचा विस्तार करणे यावर सरकारचा भर असून सहकारातून विकासात्मक काम करण्यावर भर राहील अशी भावना डॉ. उदयराव जोशी यांनी व्यक्त केली.

ADVT.

सहकारामध्ये काम करण्यास खुप वाव आहे.  झोकून देण्याऱ्या कार्यकर्त्यांना येथे चांगली संधी असल्याचे ते म्हणाले. कर्मवीर पतसंस्थेने या कार्यक्रमाचे प्रायोजकत्व स्वीकारुन पतसंस्थाना प्रशिक्षण देण्यासाठी महत्वाची भुमिका घेतल्याबद्दल त्यांनी संस्थेचे कौतुक करुन जिल्हयातील मोठी पतसंस्था या नात्याने कर्मवीर पतसंस्थेने सहकार संवर्धनाचे काम करावे अशी भावना त्यांनी व्यक्त केली. यावेळी त्यांनी कर्मवीर पतसंस्थेच्या मुख्यालयास देखील भेट दिली. यावेळीही सहकार क्षेत्रातील अनेक मान्यवर उपस्थित होते. सहकाराची सद्यस्थिती यावर यावेळी सखोल चर्चा झाली. यावेळी पहिल्या सत्रामध्ये पतसंस्थाना इनकम टॅक्स कायद्याबाबत सीए अमित शिंत्रे यांचे व दुसऱ्या सत्रात स्टॅटेजिक मॅनेजमेंट या विषयावर डॉ. राजन पडवळ यांचे मार्गदर्शन झाले.

या कार्यक्रमास सांगली अर्बन बँकेचे चेअरमन श्री. गणेशराव गाडगीळ, सांगली जिल्हा बँक असोशिएशनचे अध्यक्ष सुधीर जाधव, जिल्हा पतसंस्था फेडरेशनचे अध्यक्ष ए. डी. पाटील, उपाध्यक्ष डॉ. सिध्दनाथ महाडीक, प्रदेश पतसंस्था प्रकोष्ठ प्रमुख सागर चौगुले, सांगली महानगर अध्यक्ष शशिकांत राजोबा, महिला बैंक प्रकोप्ठ अध्यक्षा सौ वर्षाताई आवाडे सांगली ग्रामीण चे अध्यक्ष सुमंत महाजन, सांगली महानगर महामंत्री शैलेश पवार कर्मवीर चे व्हा. चेअरमन डॉ. अशोक सकळे, डॉ. नरेंद्र खाडे यांची उपस्थिती होती.